Tiranë, 8 prill Zhurnal.mk – Kryetari i Partisë Demokratike, Sali Berisha vlerësoi sot se zhvillimet në këtë zonë me rëndësi strategjike për energjinë globale kanë ndikuar drejtpërdrejt në rritjen e çmimeve të karburanteve, përfshirë edhe në Shqipëri.
Duke u ndalur në situatën e brendshme, Berisha kritikoi sistemin aktual fiskal mbi karburantet, duke theksuar se barra mbi qytetarët mbetet e lartë.
“Sistemi aktual mbi naftën është i rëndë për qytetarët dhe ka ndikim të drejtpërdrejtë në çmimet e transportit dhe produkteve bazë”, deklaroi ai.
Sipas tij, ndikimi i çmimeve të karburanteve reflektohet në të gjithë zinxhirin ekonomik, duke prekur veçanërisht sektorin e bujqësisë dhe familjet me të ardhura më të ulëta.
“Nafta është një nga faktorët kryesorë që ndikon në koston e jetesës dhe në aktivitetin ekonomik”, theksoi Berisha.
Kreu i PD kërkoi ndryshimin e regjimit fiskal mbi karburantet dhe përafrimin e tij me vendet e rajonit.
“Ne duhet të vendosim një regjim fiskal të ngjashëm me atë të Kosovës dhe Maqedonisë së Veriut, në mënyrë që qytetarët shqiptarë të përballojnë më lehtë çmimet”, u shpreh ai.
Berisha theksoi se politikat fiskale duhet të synojnë lehtësimin e barrës për qytetarët dhe mbështetjen e ekonomisë reale, duke nënvizuar nevojën për masa që reflektojnë situatën aktuale ekonomike.
