Shkup, 23 janar – Nisma ndërkombëtare e ish-presidentit amerikan Donald Trump, e njohur si “Board of Peace”, ka përcaktuar tashmë vendet pjesëmarrëse dhe ato që mbeten jashtë në rajonin e Ballkanit.
Sipas informacioneve të publikuara, anëtare të “Board of Peace” në Ballkan janë Kosova, Shqipëria, Bullgaria dhe Turqia.
Ndërkohë, Sllovenia ka refuzuar pjesëmarrjen, ndërsa Greqia ka vendosur të mos i bashkohet nismës, duke u rreshtuar me qëndrimin e Bashkimit Evropian.
Statusi i Kroacisë mbetet ende i hapur, pasi autoritetet atje kanë bërë të ditur se po e vlerësojnë zyrtarisht ftesën, ndërsa Rumania nuk ka marrë ende vendim përfundimtar.
Në listën e vendeve që nuk janë ftuar fare në këtë nismë përfshihen Maqedonia e Veriut, Mali i Zi, Serbia dhe Bosnja e Hercegovina, çka ka ngritur pikëpyetje mbi kriteret e përzgjedhjes dhe peshën politike e diplomatike të këtyre shteteve në raport me iniciativën.
“Board of Peace” synon të krijojë një platformë bashkëpunimi politik dhe sigurie, por përjashtimi i disa vendeve të Ballkanit Perëndimor tashmë po lexohet si sinjal i qartë gjeopolitik.
