Shkup, 12 Mars, Zhurnal.mk – Deputetja e VLEN, Saranda Imeri Stafai, ka përkujtuar se në vitin 2018 Ali Ahmeti si anëtar i Kuvendit të Maqedonisë së Veriut, kishte votuar bashkë me disa deputetë të tjerë të BDI-së për emërimin e gjykatësit Darko Kostadinovskit në gjykatën Kushtetuese.
“Pse more Ali e votove Darkon,” ka pyetur ajo kryetarin e BDI-së, përmes faqes së saj në Facebook, për kryetarin e gjykatës kushtetuese e cili dje u deklarua kundër përdorimit të gjuhës shqipe në komunikimet e ministrisë së brendshme lidhur me projektin ‘Safe City’ (Qyteti i Sigurt).
Deputetja ka publikuar një listë të pjesërishme të deputetëve shqiptarë të asaj kohe që kanë votuar në favor të Kostadinovskit, në të cilën shihet edhe emri i Ali Ahmetit, Xhevat Ademit, Ejup Alimi e Teuta Bilalli.
“A.A ne kuvend per dy vjet ka ardh 2-3 here. Ne datën e lartëshënuar (11 Janar 2018) paska ardhur apostafat per të votuar Darkon!,” ka shkruar Saranda Imeri Stafai.
