Dita e tretë e protestës studentore në Shqipëri, anulohet seanca plenare e Kuvendit! Largohen deputetët

Tiranë, 15 tetor, Zhurnal.mk – Një orë para nisjes së seancës plenare në Kuvend është njoftuar anulimi i saj. Seanca plenare pritej të niste në orën 10:00 teksa studentët kishin paralajmëruar se do të protestonin këtë të enjte para Kuvendit.

Siç shihet edhe nga pamjet, deputetët janë larguar nga ambientet e Kuvendit teksa forca të shumta policie ndodhen në terren.

Pavarësisht pranisë së madhe të forcave të rendit, këtë të enjte nuk është vendosur kordoni, perimetri i zakontë i sigurisë përreth zonës.