“Do të ishit bashkë”, vajza e këngëtares së njohur prek rrjetin me kërkesën për prindërit

Nga Xh M
A+ A-
Rivendos

Vajza e këngëtares së famshme Mariah Carey dhe ish-bashkëshortit të saj, Nick Cannon, ka bërë një deklaratë të papritur për marrëdhënien e prindërve.

Monroe Cannon, 15 vjeçe, ka ndarë mendimin e saj gjatë një bisede me të atin, në pamjet e publikuara nga reality show i tij i ri, “Raising the Cannons”, i cili do të transmetohet në Netflix.

“Po të mos i kishe gjithë këta fëmijë, ti dhe mami do të ishit ribashkuar”, i është drejtuar Monroe babait të saj, ndërsa të dy ndodheshin në makinë. Deklarata vjen pasi Nick Cannon, i cili është baba i 12 fëmijëve me gjashtë gra të ndryshme, ka folur hapur për jetën e tij familjare dhe marrëdhënien e dikurshme me Mariah Carey.

Në videon promovuese të emisionit, prezantuesi dhe aktori 46-vjeçar pranon se egoja e tij kishte ndikuar në largimin nga këngëtarja. Ndërkohë, edhe djali i tyre, Moroccan, ka shprehur mendimin se mënyra e jetesës së babait nuk është e qëndrueshme.

Kujtojmë se Mariah Carey dhe Nick Cannon u martuan në vitin 2008 dhe u ndanë në vitin 2014, ndërsa divorci i tyre u finalizua dy vite më vonë. Nga martesa e tyre erdhën në jetë binjakët Monroe dhe Moroccan.

Pavarësisht ndarjes, dyshja ka ruajtur marrëdhënie të mira për hir të fëmijëve. Ndërkohë, deklaratat e fundit të binjakëve kanë rikthyer në vëmendje historinë e tyre familjare dhe raportin e dikurshëm të çiftit.

artikuj të ndërlidhura

Kjo faqe interneti përdor cookies për të përmirësuar përvojën tuaj. Ne do të supozojmë se jeni dakord me këtë, por mund të çregjistroheni nëse dëshironi. Pranoj Lexo më tepër