Shkup, 18 gusht, Zhurnal.mk – Kryetari i LSDM-së, dr. Venko Filipçe, me rastin e Ditës së Ushtrisë, përcolli urime për të gjithë pjesëtarët e Ushtrisë së Republikës së Maqedonisë së Veriut. Ai theksoi se Ushtria është një nga shtyllat e sigurisë dhe stabilitetit tonë, ndërsa pjesëtarët e saj kanë meritë të madhe në mbrojtjen e integritetit territorial dhe sigurisë së shtetit.
„Gëzuar 18 Gushtin – Ditën e Ushtrisë së Republikës së Maqedonisë së Veriut. Sot shprehim mirënjohje dhe respekt për të gjithë pjesëtarët e Ushtrisë maqedonase për profesionalizmin, përkushtimin dhe angazhimin e tyre të paepur në mbrojtjen e integritetit territorial dhe sigurisë së shtetit. Ushtria është një nga shtyllat e sigurisë dhe stabilitetit tonë. Jam krenar që isha pjesë e Qeverisë së LSDM-së, e cila me politika të drejta shtetërore mundësoi që vendi të bëhet pjesë e aleancës më të fuqishme ushtarake – NATO, që është sukses historik për shtetin tonë. Me anëtarësimin në NATO siguruam sigurinë dhe integritetin territorial të vendit, ndërsa ushtarët tanë së bashku me ushtarët e vendeve anëtare veprojnë sipas standardeve të Aleancës, japin ndihmë qytetarëve në fatkeqësi natyrore dhe marrin pjesë në të gjitha misionet paqeruajtëse ndërkombëtare. Si shtet duhet të vazhdojmë të ndërtojmë institucione të sigurta, profesionale dhe të gatshme për t’iu përgjigjur çdo sfide dhe të vazhdojmë betejën për të ardhmen evropiane të Maqedonisë së Veriut. Gëzuar Ditën e Ushtrisë“, tha Filipçe.
