Prishtinë, 5 Maj, zhurnal.mk – Ministrja në detyrë e drejtësisë, Donika Gërvalla – Shwarz nuk u përgjigj për deklaratat e ish-deputetit, Fatos Geci, i cili tha se “më 19 maj lidhesh për krejt jetën”, koment ky drejtuar ish-presidentit Hashim Thaçi, i cili po gjykohet në Hagë, raporton Ekonomia Online.
Ajo shkurtimisht tha se kanë ardhur për të bërë hapjen e Gjykatës Administrative.
“Kemi ardhur për të bërë hapjen e Gjykatës Administrative, pyetjet e duhura t’i përgjigjemi në vendin e duhur”, tha Gërvalla Shwarz.
Ish-deputeti nga radhët e Lëvizjes Vetëvendosje, Fatos Geci ka bërë një koment karshi ish-presidentit, Hashim Thaçi në një intervistë të dhënë me shkrim. Komenti i tij ishte “Mirë që koke përgatit se tash me 19 maj lidhesh për krejt jetën”.
