Gjendet në Tiranë 14-vjeçarja e larguar nga Durrësi, nëna: Është në gjendje të mirë

14-vjeçarja e cila u largua mëngjesin e kësaj të mërkure nga banesa e saj në Durrës, është gjetur këtë mbrëmje në Tiranë.

Lajmi është konfirmuar nga e ëma e saj, e cila bën me dije se vajza është në gjendje të mirë shëndetësore dhe po bashkohet me familjen.

Ende nuk dihen rrethanat që çuan në largimin e saj, ndërsa policia po punon për zbardhjen e ngjarjes.