Prishtinë, 04 qershor, Zhurnal.mk – Tabela me emrin e Zoran Gjingjiqit, e cila u vendos dje në veri të Mitrovicës pranë tabelës “Isa Boletini”, është zhvendosur këtë mëngjes nga vendi i saj në rrethrrotullimin në hyrje të qytetit.
Tabelat me emrat e rinj të rrugëve, sipas emrave të Boletinit dhe Gjingjiqit, u vendosën dje nga Ministrja e Planifikimit Hapësinor në mandatin teknik, Fitore Pacolli, duke deklaruar se emrat e rinj u zgjodhën në bashkëpunim me administratën e mëparshme në Mitrovicën e Veriut.
Ndërsa sot, siç raporton mediumi në gjuhën serbe Kosovo-online, tabela me emrin e ish-kryeministrit të Serbisë nuk gjendet aty ku ishte vendosur dje.
Nuk dihet se kush e ka hequr tabelën.
Komuna e Mitrovicës Veriore reagoi dje emërtimet e reja, duke deklaruar se vendosja e tabelave me emrat e rinj të rrugëve nuk ishte njoftuar ose koordinuar me përfaqësuesit ligjorë dhe legjitimë komunalë dhe se veprimi u krye për qëllim të fushatës së Lëvizjes Vetëvendosje.
Kryetari i komunës së Mitrovicës së Veriut, Milan Radojeviq, i mbuloi tabelat me një copë leckë, duke deklaruar se vendimi për emërtimin e rrugëve ishte i paligjshëm.
Ndërkohë, në jug të Kosovës pati reagime të shumta kundër vendosjes së emrit të Gjingjiqit në rrugët e Mitrovicës së Veriut
