Ari Emanuel, një nga agjentët më të fuqishëm të Hollivudit, ka konfirmuar se nuk e përfaqëson më Meghan Markle, duke komentuar se kjo është “shumë mirë” për të. Manjati i medias dhe kryetari ekzekutiv i WME Group i dha fund lidhjes së tij me Dukeshën e Sussex vitin e kaluar.
Në një intervistë me Sunday Times, të botuar të shtunën, kur u pyet për drejtimin e karrierës së saj, ai u përgjigj: “Ja gjëja më e mirë në lidhje me të gjitha këto: Nuk kam pse të mendoj më për këtë.”
Agjencia e Emanuelit, WME, përfaqëson disa nga yjet më të mëdhenj, përfshirë Oprah Winfrey, Mark Wahlberg, Ben Affleck, Dwayne Johnson dhe Kim Kardashian.
Meghan nënshkroi një marrëveshje me WME në prill 2023. Më pak se dy vjet më vonë, në shkurt 2025, burime të shumta konfirmuan për Page Six se agjencia i kishte dhënë fund marrëdhënies me të.
WME e mohoi këtë në atë kohë, duke thënë në një deklaratë zyrtare: “WME vazhdon të përfaqësojë Meghan dhe Archewell”, kompaninë që ajo drejton me bashkëshortin e saj, Princin Harry.
Megjithatë, sipas informacionit të portalit, Meghan nuk është takuar me Emanuelin që nga janari i vitit 2024, megjithëse thuhet se ka qenë në kontakt me agjentët e saj çdo ditë.
Një burim nga industria pohon se Dukeshës iu ndërpre puna me kompaninë sepse ishte “shumë kërkuese” dhe “e vështirë për të punuar me të”. Thuhet gjithashtu se pati një grindje midis Meghan dhe Emanuel pas shpërthimit të saj në janar 2024.
Më pas ajo dyshohet se kërkoi një takim urgjent dhe priste plane dhe strategji të gatshme, dhe nuk është e qartë nëse kjo i referohej asaj personalisht apo kompanisë Archewell. “Ari kishte duruar mjaft,” tha burimi.
