Shkup, 20 maj Zhurnal.mk – Mbeturinat komunale janë problemi më i madh sa i takon krijimit të deponive të paligjshme dhe menaxhimit me mbetjet. Kryetari i Asociacionit të Maqedonisë për Menaxhim me Mbeturina Inerte Mihail Matevski thotë se nëpër komuna mungon kuadri dhe njohuria për menaxhim me mbeturinat.
“Me te dobët jemi në menaxhimin e mbeturinave komunale. Sa i takon mbetjeve industriale ato në masë të madhe zgjidhen ose menaxhohen. Edhe sa i takon kompanive dhe bizneseve, masave tradicionale të paketimit funksionon ne përgjithësi mirë. Më të dobët jemi në menaxhimin e mbetjeve qe vinë nga qytetarët. Këtu sigurisht duhet të rriten kapacitetet e ndërmarrjeve komunale, kryesisht në pjesën operative ku qëndrojmë shumë keq. Mungojnë njerëz, mungojnë njohuri, mungojnë edhe pajisje teknike të punës. Në nivel shtetëror parimore kemi hapjen e qendrave rajonale, ndërsa në nivel lokal rritjen e kapaciteteve të punës të ndërmarrjeve komunale”-tha Mihail Mateski, kryetar i Asociacionit të Maqedonisë për Menaxhim me Mbeturina Inerte
Matevski shton se është gjë e mirë i krijimi i deponive rajonle dhe trajtimi i mbeturinave si burime energjie. Ndërkaq Ministri i Mjedisit Jetësor Muhamet Hoxha tha se komunat tashmë po furnizohen me pajisje dhe mekanizma bashkëkohorë për menaxhimin e mbeturinave.
“Qëllimi jonë është i qartë të kalojmë gradualisht nga modeli i deponimit drejt modelit te ekonomisë qarkulluese ku mbeturinat do të trajtohen si burim dhe jo si problem. Në këtë proces tashmë janë siguruar mjete financiare dhe mbështetje e fuqishme nga partnerët tanë ndërkombëtar”-tha Muhamet Hoxha, Ministër i Mjedisit Jetësor
Vendi prej vitesh përballet me problemin e deponive të paligjshme dhe sistemin e vjetërsuar të menaxhimit të mbeturinave. Sistemi i seleksionimit të mbeturinave mbetet ende në nivel të ulët.
