Tiranë, 6 gusht, Zhurnal.mk – Ministri i Brendshëm, Besfort Lamallari, së bashku me drejtorin e përgjithshëm të Policisë së Shtetit, Skënder Hita, inspektuan në Himarë masat e marra për garantimin e sigurisë gjatë sezonit turistik.
Gjatë inspektimit u vlerësua rëndësia e bashkëpunimit me pushtetin vendor për garantimin e rendit, sigurisë, ndihmës së menjëhershme dhe ofrimit të shërbimeve për pushuesit vendas dhe të huaj.
“Siguria nuk është thjesht një detyrim i shtetit, por premtimi ynë për çdo qytetar dhe çdo vizitor që zgjedh Shqipërinë”, theksoi ministri Lamallari.
Strukturat përgjegjëse po bashkërendojnë punën për garantimin e standardeve maksimale të sigurisë, reagimin e shpejtë në rast situatash dhe përballimin e çdo problematike gjatë sezonit veror.
Lamallari theksoi se do të ketë tolerancë zero ndaj çdo shkeljeje që cenon sigurinë e qytetarëve apo imazhin e vendit.
