Shkup, 16 tetor, Zhurnal.mk – Kryetari i Qeverisë së Republikës së Maqedonisë së Veriut, Hristijan Mickoski, sot duke iu përgjigjur një pyetjeje të gazetarëve lidhur me të dhënat e publikuara për rritjen e turizmit nga Enti Shtetëror i Statistikës, deklaroi:
„Po, Enti Shtetëror i Statistikës publikoi të dhëna për gushtin dhe për tetë muajt e parë. Ajo që përbënte prioritetin tonë për këtë vit 2026 në pjesën e turizmit, ne pothuajse e kemi arritur deri në muajin gusht, pra të kemi 1 milion turistë dhe të kemi afër 3 milion netë qëndrimi.
Deri në muajin gusht, ne kemi afër 1 milion turistë, diku rreth nëntëqind e tetëdhjetë e ca mijë dhe përafërsisht 2 milion e shtatëqind e dy-tridhjetë mijë netë qëndrimi. Që do të thotë se para kohe do ta arrijmë objektivin që na ishte caktuar në fillim të vitit, të cilin vetë e kishim vendosur. Por ajo që më gëzon më shumë është vërtet bumi i madh që ndodhi në muajt e verës korrik-gusht dhe që vazhdoi edhe muajt më pas. Të themi, në gusht numri i turistëve nga jashtë, krahasuar me të njëjtin muaj të vitit të kaluar, është më i madh për 11,1%, ndërsa numri i netëve të qëndrimit është për më shumë se 20% më i madh, gjë që përfaqëson diçka që na befasoi këndshëm të gjithëve. Por edhe një konfirmim i përpjekjeve të Qeverisë për të promovuar potencialet turistike të vendit dhe në atë mënyrë të tërheqim turistë. Këtu është edhe marrëveshja që e nënshkruajmë me agjencitë turistike që sjellin turistë dhe këtu nuk duhet harruar fakti se ardhjet dhe udhëtarët që udhëtojnë jashtë vendit në aeroportet tona janë rritur për 30%, krahasuar me të njëjtin periudhë të vitit të kaluar.“
