Shkup, 26 janar – Moti sot do të jetë me vranësira me reshje të herëpashershme shiu, të cilat do të jenë më intensive në pjesët qendrore dhe lindore ku do të bien mbi 30 litra për metër katror, të shoqëruara me bubullima të rralla. Në male, reshjet do të jenë të borës. Do të fryjë erë e lehtë deri mesatare nga drejtimi juglindor. Temperatura minimale do të jetë në intervalin prej 5 deri në 10 gradë, ndërsa maksimalja do të arrijë nga 7 deri në 12 gradë Celsius.
Në Shkup do të jetë kryesisht me vranësira me reshje të herëpashershme shiu. Do të fryjë erë e lehtë nga drejtimi i ndryshueshëm. Temperatura minimale do të bjerë në 6, ndërsa maksimale do të arrijë në 10 gradë Celsius.
Sipas njoftimeve nga Drejtoria për Punë Hidrometeorologjike (DPHM), nesër paradite në pjesët lindore do të ketë ende reshje të lehta shiu në zonat e ulëta dhe shi dhe borë në zonat më të larta dhe në male. Moti do të stabilizohet pasdite, ndërsa të mërkurën, nga fundi i ditës dhe të enjten, do të ketë përsëri reshje lokale shiu, ndërsa në male borë.
