Romë, 6 maj, Zhurnal.mk – Pas kritikave të fundit të presidentit të SHBA-së, Donald Trump, Papa Leone XIV ka përsëritur qëndrimin e tij kundër armëve bërthamore.
“Për vite me radhë, Kisha është shprehur kundër të gjitha armëve bërthamore, kështu që nuk ka dyshim për këtë çështje”, u tha Papa Leone gazetarëve dje në mbrëmje para se të nisej nga Castel Gandolfo, rezidenca verore e Papës, për në Romë.
“Shpresoj të më dëgjojnë për shkak të vlerës së fjalës së Zotit”, shtoi ai.
Në një intervistë me prezantuesin konservator të radios, Hugh Hewitt, presidenti amerikan Donald Trump tha se Papa Leone po rrezikonte “shumë katolikë dhe shumë njerëz”.
Ai akuzoi Papa Leone, i lindur në SHBA – se mendonte se ishte e pranueshme që Irani të zotëronte një armë bërthamore.
Papa Leone ka folur vazhdimisht kundër luftës së Iranit, të nisur nga Shtetet e Bashkuara të Amerikës dhe Izraeli, dhe ka bërë thirrje për armëpushim dhe dialog.
