Shkup, 21 korrik, Zhurnal.mk – Deputeti i VMRO‑DPMNE-së, Brane Petrushevski, pyeti sot nëse kryetari i Gostivarit, Valbon Limani, ka ndjenjë turpi, pasi deklaroi se nuk ndien asnjë përgjegjësi morale për skandalin me ujin e ndotur.
“Kandidati i Filipçes, Ahmetit dhe Taravarit, Valbon Limani, dje tha se për skandalin me ujin, nga i cili u prek drejtpërdrejt i gjithë qyteti i Gostivarit, nuk ndien asnjë përgjegjësi morale. Me çfarë fytyre del para bashkëqytetarëve të tij dhe pa turp e pa ndjenjë përgjegjësie thotë se nuk është ai fajtor për gabimet e njerëzve që vetë i ka emëruar për të drejtuar ndërmarrjet komunale? Për dallim nga Valbon Limani, Ljupço Papazov nga Koçani, pas zjarrit në ‘Puls’, menjëherë dha dorëheqje nga funksioni i kryetarit të komunës dhe së bashku me dy paraardhës të tij u dërgua në paraburgim për një objekt privat”, deklaroi Petrushevski.
