Shkup, 11 gusht, Zhurnal.mk – Prokuroria për Ndjekjen e Krimit të Organizuar ka nisur procedurë kundër një polici të komunikacionit rrugor pranë SPB Shkup, i dyshuar për “keqpërdorim të pozitës zyrtare”.
Sipas prokurorisë, në periudhën prill–korrik të këtij viti, i dyshuari i arkëtonte në para të gatshme gjobat për parkim të parregullt në depon e Ndërmarrjes Publike “Parkingu i Qytetit”, në vend që përmes POS-terminalit, dhe i mbante paratë për vete.
Në disa raste dyshohet se e kualifikonte kundërvajtjen si më të lehtë për të shqiptuar gjobë më të vogël, ndërsa në të tjera nuk hartonte fare procesverbal, duke i lejuar automjetet të largoheshin nga depoja pa u paguar gjoba.
Dëmi ndaj buxhetit shtetëror vlerësohet së paku 85.500 denarë. Me propozim të prokurorisë, bazuar në rrezikun e ikjes, të përsëritjes së veprës dhe të ndikimit mbi dëshmitarët gjyqtari i caktoi të dyshuarit masën e paraburgimit prej 8 ditësh.
