Prej sot fillon trajnimi për motoçikleta deri 125 kubik për shoferët me kategorinë B

Shkup, 12 qershor, Zhurnal.mk – Duke filluar nga sot, qytetarët do të mund të ushtrojnë të drejtën e tyre për trajnim në drejtimin e motoçikletës deri në 125 centimetra kub në autoshkollat që kanë licencë për kategorinë “A1”, pasi MPB finalizoi të gjitha parakushtet e nevojshme për zbatimin e ndryshimeve ligjore.
MPB informon se trajnimi për drejtimin e motoçikletës së kategorisë “A1” (deri në 11 kW me transmision automatik) do të zhvillohet nga autoshkolla të autorizuara dhe do të zgjasë katër orë.