406
Kumanovë, 26 shkurt – Policia e Kumanovës ka njoftuar për një rrahje që ka ndodhur në Shtëpinë e Pleqëve në Kumanovë, me ç’rast është lënduar një asistente, e cila është dërguar me shpejtësi në Qendrën Urgjente dhe e cila është sulmuar nga dy shfrytëzues (banorë të Shtëpisë).
Sipas organeve kompetente, incidenti i këtillë, jo i zakonshëm, ka ndodhur më 24 shkurt të këtij viti, rreth orës 17:00.
Nga Qendra Urgjente në Kumanovë kanë bërë të ditur se në hapësirat e qendrës është dërguar S.C. nga Shkupi, e lënduar, e cila po ashtu qëndronte në Shtëpinë e Pleqëve në Kumanovë.
Policia ka njoftuar se ajo ka qenë e sulmuar nga dy persona, të cilët po ashtu qëndrojnë në Shtëpinë e Pleqëve.
