Shkup, 30 shtator, Zhurnal.mk – Sezoni i ngrohjes 2026/2027 do të fillojë më 15 tetor 2026 dhe do të zgjasë deri më 15 prill 2027, njoftoi Komisioni Rregullator për Energjetikë, shërbime ujore dhe shërbime për menaxhimin e mbeturinave komunale (RKE).
Sezoni mund të fillojë edhe më herët, nga 1 tetori, nëse temperatura mesatare e jashtme e parashikuar për ditën e ardhshme është 12 gradë Celsius ose më e ulët. Në atë rast, ngrohja mund të vazhdojë më së voni deri më 30 prill.
Sipas rregullave, furnizuesi është i obliguar nga ora 06:00 deri në 22:00 të sigurojë temperaturë prej 20 plus/minus 1 gradë Celsius në hapësirat që ngrohen.
RKE i ftoi bashkësitë e banorëve të kontrollojnë instalimet e brendshme dhe të shlyejnë faturat për energjinë elektrike për nënstacionet e ngrohjes, me qëllim që sezoni të fillojë pa probleme.
