Një në 10 persona është i prekur nga sëmundje të veshkave. Në Ditën Ndërkombëtare të Veshkës, Profesori i Nefrologjisë, Dr. Myftari Barbullushi, thekson se ky organ ruan ekuilibrin e organeve të tjera dhe se çdo problem kardiak apo dhe diabeti është i lidhur me veshkën.
Mjeku nefrolog thotë se vetëm një analizë urine mund të identifikojë disa sëmundje: “Sado pak albuminë të shohësh në urine, të ka treguar shumë”.
Prof. Barbullushi ka një thirrje për kolegët kardiologë kur diagnostikojnë probleme të zemrës: “Veçojnë si shkaktare alkoolin, duhanin… por harrojnë të kontrollojnë veshkën”.
Për të kuptuar rëndësinë e veshkës, profesori i referohet një studimi me persona të grupmoshës 60-70 vjeç, me projeksione për vdekshmërinë.
Veshka cilësohet si vrasësi i heshtur, pasi nuk nis me dhimbje deri kur ka shkaktuar dëme deri edhe të parikuperueshme.
