Ministria iraniane e Energjisë i kërkoi popullsisë të reduktojë përdorimin e energjisë elektrike të martën, pasi rrjeti përballet me presion të madh pas goditjeve të SHBA-së ndaj infrastrukturës energjetike. Në një komunikim, ministria apeloi te banorët që të ndalin përdorimin e kondicionerëve gjatë periudhave të ngarkesës së lartë “për të garantuar një furnizim të qëndrueshëm me energji në provincat jugore, të cilat po përballen aktualisht me temperatura shumë të larta dhe sulme në termocentrale”. Ndërkohë, një burim ushtarak sirian mohoi të premten për AFP se Irani kishte goditur bazën ushtarake Al-Tanf në juglindje të Sirisë. Burimi deklaroi, “Ne mohojmë çdo sulm iranian në drejtim të zonës Al-Tanf”. Irani kishte pretenduar se ka sulmuar “qendrën e komandës së operacioneve speciale të kundërshtarit në zonën Al-Tanf”, duke fajësuar SHBA-të që u tërhoqën nga kjo bazë në shkurt.
