755
Shkup, 27 korrik, Zhurnal.mk – Ministri i Punëve të Brendshme dhe udhëheqës i Komitetit Drejtues për Koordinim dhe Menaxhim me Sistemin për Menaxhim me Kriza, Pançe Toshkovski, do të mbajë sot konferencë për shtyp në Qendrën për Menaxhim me Kriza në Shkup.
Sipas njoftimit, Toshkovski do të prezantojë informacionet më të reja lidhur me gjendjen e ujit nga ujësjellësi i Gostivarit, pas situatës së krijuar në qytet dhe masave që po ndërmerren nga institucionet kompetente.
Konferenca pritet të ofrojë një pasqyrë mbi zhvillimet e fundit, aktivitetet e shtabit të krizës, si dhe hapat e mëtejshëm për normalizimin e furnizimit me ujë dhe garantimin e sigurisë për qytetarët.
