Natalia Bryant, vajza e legjendës së basketbollit Kobe Bryant dhe Vanessa Bryant, bëri debutimin e saj në pasarelën e Victoria’s Secret Fashion Show 2026, të mbajtur në Sony Pictures Studios në Kaliforni.
Modelja 23-vjeçare u shfaq me një veshje rozë nga linja PINK, të kombinuar me një bluzë të shkurtër mbi reçipeta të zeza, xhinse blu të zbukuruara me gurë shumëngjyrësh dhe një rrip argjendi me varëse dekorative.
Pamjen e plotësoi me një çantë në formë topi pasqyre, taka argjendi dhe aksesorë rozë, shkruan DailyMail.
Në një intervistë për Page Six, Natalia tregoi se e kishte ndjekur shfaqjen që në fëmijëri dhe se ishte përgatitur duke praktikuar ecjen e modeleve.
Ajo u shpreh e emocionuar që këtë herë ishte pjesë e eventit, ku morën pjesë edhe disa prej emrave të njohur të industrisë së modës.
Para sfilatës, Natalia tregoi se kishte bërë joga dhe ushtrime shtrirjeje, ndërsa kishte dëgjuar muzikë nga Beyoncé, Dua Lipa dhe Tate McRae për të rritur energjinë.
