Shkup, 9 shtator, Zhurnal.mk – Kur LSDM flet për borxhin publik, së pari duhet të përgjigjet për faturën që e la pas vetes bashkë me BDI‑në derisa ishte në pushtet. VMRO‑DPMNE mori përgjegjësinë për ta udhëhequr Qeverinë në qershor të vitit 2024 me borxh publik mbi 60 përqind të BPV‑së. Sot borxhi arrin në 58,8 përqind të BPV‑së, pra është më i ulët se niveli i trashëguar, me atë që Qeveria rregullisht i shlyen obligimet e trashëguara, thekson VMRO‑DPMNE në njoftim.
“Në vitet e ardhshme skadojnë rreth 8 miliardë euro borxhe të marra në kohën e LSDM dhe BDI. Vetëm në vitin 2026 skadojnë rreth 1,5 miliardë euro, pastaj edhe 1,5 miliardë në vitin 2027, 1,9 miliardë në vitin 2028, 1,3 miliardë në vitin 2029 dhe 1,4 miliardë euro në vitin 2030.
Kjo është fatura që e la LSDM me BDI dhe duhet të përgjigjen edhe për 4,5 miliardë euro me të cilat e ngarkuan shtetin për vetëm 7 vite. Për çfarë u shpenzuan ato para?
Nëse duan të flasin për ekonomi le të flasin me shifra zyrtare, por kjo nuk u konvenon sepse shifrat nuk janë në anën e tyre të udhëheqjes së fushatave të rreme.
Shifrat tregojnë se rritja e ekonomisë në tremujorin e dytë të vitit 2026 është 4,3 përqind.
Se politikat ekonomike të Qeverisë janë të mira flet edhe fakti se tetë tremujorë me radhë ka rritje mbi 3 përqind.
Edhe pa vitet e pandemisë së kovidit, dallimi megjithatë është i dukshëm. Rritja mesatare te pushteti i mëparshëm i LSDM dhe BDI është rreth 2,6 përqind.
Prandaj në vend që LSDM t’i shtrembërojë faktet, është koha të përgjigjet për borxhet, miliardat e shpenzuara dhe faturën që e la pas vetes”, thonë nga VMRO‑DPMNE.
