Bruksel, 19, Zhurnal.mk – Për sa kohë që mbetemi të varur nga nafta dhe gazi, do të mbetemi të prekshëm dhe nëse duam pavarësi të vërtetë, duhet të përshpejtojmë elektrifikimin, deklaroi presidentja e Komisionit Evropian, Ursula von der Leyen duke diskutuar tensionet në Lindjen e Mesme dhe efektet e tyre në tregjet e energjisë.
“Situata në Lindjen e Mesme po dërgon valë tronditëse në të gjithë botën”, paralajmëroi ajo.
Ajo njoftoi se Komisioni Evropian do të paraqesë “një plan veprimi për elektrifikimin” me “objektiva të qarta për t’i dhënë fund ekspozimit tonë ndaj goditjeve të çmimeve të karburanteve fosile një herë e përgjithmonë”.
Sipas presidentes ekzekutive të BE-së, “elektrifikimi dhe energjia e pastër vendase janë rruga drejt pavarësisë”.
“Për sa kohë që mbetemi të varur nga nafta dhe gazi, do të mbetemi të prekshëm”, paralajmëroi von der Leyen.
”Nëse duam pavarësi të vërtetë, duhet të përshpejtojmë elektrifikimin. Konsumatorët tashmë po ndërmarrin veprime: blerjet e automjeteve elektrike, për shembull, janë rritur me 51% që nga fillimi i luftës”, shtoi ajo.
