861
Kryetari i Partisë Demokratike Sali Berisha u bëri thirrje sot shqiptarëve që të marrin pjesë në protestën e 12 marsit përpara Kuvendit.
Në një prononcim për mediet, Berisha u shpreh se qëllimi i protestës do të jetë dorëheqja e kryeministrit Edi Rama.
“Më 12 mars, Shqipëria vjen këtu për të kërkuar dorëheqjen e Edi Ramës. Çdo protestë do të ketë këtë objektiv”, tha Berisha.
Ndërkohë ai konfirmoi se ora se kur do të zhvillohet protesta mbetet ende për t’u vendosur nga strukturat e PD-së.
“Ftoj shqiptarët të vijojnë betejën për largimin e tij, sepse është stina e përmbysjes së diktaturave dhe diktatorëve, por këtu në Shqipëri do ta kryejmë vetë”, tha ai.
