Mot i paqëndrueshëm me reshje shiu dhe erë të fuqishme

Shkup, 2 maj, Zhurnal.mk – Moti sot në vend do të jetë i ndryshueshëm, me vranësira dhe reshje të kohëpaskohshme lokale të shiut.

Sipas parashikimeve meteorologjike, gjatë ditës do të fryjë erë mesatare, herë pas here e fuqishme nga drejtimi verior, e cila në disa zona, veçanërisht në pjesët perëndimore, do të tejkalojë shpejtësinë prej 50 kilometra në orë.

Temperatura minimale do të lëvizë nga -2 deri në 4 gradë Celsius, ndërsa ajo maksimale pritet të arrijë nga 13 deri në 20 gradë.