586
Këngëtari Rigels Rajku, i njohur për publikun si “Noizy”, është paraqitur këtë të mërkurë në ambientet e GJKKO.
Gazetarja e Top Channel Anila Hoxha bën me dije se Noizy është thirrur në Gjykatën e Posaçme si dëshmitar në procesin gjyqësor ndaj bandës së Laert Haxhiut.
Dëshmia e të penduarit Artan Tafani zbuloi disa nga krimet e bandës. Një nga krimet e bandës së Haxhiut është edhe vendosja e tritolit ndaj lokalit të Noizyt.
Po ashtu në cilësinë e dëshmitarit për këtë çështje, është edhe baba i këngëtarit, Bashkim Rajku.
Megjithatë seanca është shtyrë për shkak të mungesës së avokatëve, ndërsa e radhës është caktuar më 13 maj, ora 11.
