Shkup, 27 maj, Zhurnal.mk – Akademia Ushtarake Akademia Ushtarake “Gjeneral Mihailo Apostolski” – Shkup ka shpallur konkurs për regjistrimin e studentëve/kadetëve për nevojat e Ministrisë së Mbrojtjes dhe të Armatës së Republikës së Maqedonisë së Veriut, si dhe studentëve për menaxhim me kriza dhe mbrojtje e shpëtim në ciklin e parë të studimeve për vitin akademik 2026/2027, transmeton Zhurnal.mk.
Ministria e Mbrojtjes u bën thirrje të gjithë të rinjve që dëshirojnë ta vazhdojnë arsimin dhe karrierën e tyre profesionale si oficerë të ardhshëm në kuadër të Armatës së Maqedonisë, dhe që i plotësojnë kriteret sipas konkursit të shpallur, ta shfrytëzojnë mundësinë dhe të aplikojnë.
Në konkurs mund të aplikojnë kandidatët që janë shtetas të Maqedonisë, kanë përfunduar arsimin e mesëm katërvjeçar, nuk janë më të vjetër se 21 vjeç (në ditën e aplikimit dhe dorëzimit të dokumenteve) dhe janë të aftë psikofizikisht, gjë që përcaktohet nga komisioni ushtarako-mjekësor.
Informata më të detajuara mund t’ë’i gjeni në faqen zyrtare të Akademisë Ushtarake. (kliko linkun KËTU)
