Pamjet e regjistruara me dron nga zjarrfikësit në Madrid, të premten, pasqyrojnë dëmet e zjarrit pyjor që detyroi largimin dhe vetë-izolimin e banorëve në veri të qytetit. Një individ u arrestua të enjten, më 16 korrik, pasi dyshohet për shkaktimin e qëllimshëm të zjarrit në komunën e Lozoyuela, sipas një përfaqësuesi të autoriteteve në Madrid, i cili foli në radion Cadena SER. Deri të premten, flakët nuk ishin vënë ende nën kontroll, ndërkohë që autoritetet ndjekin me vëmendje kushte atmosferike, të cilat janë thelbësore për përpjekjet e kontrollimit të zjarrtë. Flakët përfshinë rreth 700 hektarë në zonën e Lozoyuelas. Agjencia Meteorologjike e Spanjës (AEMET) parashikon rritje të temperaturave duke filluar nga e shtuna, me zona të brendshme të Andaluzisë që mund të arrijnë mbi 40 gradë Celsius.
