Bruksel, 30 korrik, Zhurnal.mk – Bashkimi Evropian i ka ofruar Kievit 3,47 miliardë euro (3,98 miliardë dollarë), për të ndihmuar ushtrinë ukrainase të blejë më shumë dronë dhe pajisje të tjera të rëndësishme të mbrojtjes ajrore, si pjesë e kredisë mbështetëse prej 90 miliardë eurosh të bllokut.
“Kjo mbështetje e re përcjell një mesazh të qartë: çdo sulm rus forcon vendosmërinë e Ukrainës për të qenë e lirë dhe vendosmërinë tonë për të qëndruar pranë Ukrainës, për aq kohë sa të duhet”, tha sot presidentja e Komisionit Evropian, Ursula von der Leyen.
“Paratë e dhëna kanë për qëllim të shkojnë për prokurimin e dronëve, duke përfshirë dronë me motor reaktiv me rreze të gjatë veprimi, si dhe raketa dhe avionë luftarakë “Gripen”, tha Komisioni Evropian në një deklaratë.
“Shpenzime të tjera priten në javët e ardhshme”, tha komisioni.
