Shkup, 4 gusht, Zhurnal.mk – LSDM pretendon se qytetar maqedonas, e jo bullgar, e ka ofenduar kryeministrin Hristijan Mickoski në Tashmarunishtë, ku ai shënonte festën e Ilindenit.
VMRO dhe Mickoski dje sërish gënjyen. Pretenduan se personi që ka drejtuar ofendime verbale ndaj kryeministrit Mickoski në Tashmarunishtë ka treguar letërnjoftim bullgar.
Kjo nuk është e vërtetë.
Sipas të dhënave zyrtare të Ministrisë së Punëve të Brendshme – SVR Ohër, bëhet fjalë për një 52‑vjeçar nga Struga (S.G., i lindur në vitin 1974 në Koçan) qytetar maqedonas me letërnjoftim maqedonas. Nuk ka agjent të huaj. Ka vetëm një qytetar të pakënaqur.
Mickoski dhe VMRO‑OKG sërish u përpoqën ta paraqesin pakënaqësinë e përditshme të popullit si “agjenturë e huaj” dhe “provokim bullgar”. Ky është model klasik: kur qytetarët revoltohen gënjejnë se janë të huaj. Kur nuk kanë rezultate kërkojnë armiq. Kur kritikohen i quajnë qytetarët “tallog”. Realiteti është ndryshe. Qytetarët janë të pakënaqur dhe kjo është pakënaqësi plotësisht maqedonase, vlerësojnë nga LSDM.
