Bruksel, 1 shtator Zhurnal.mk – Presidentja e Komisionit Evropian, Ursula von der Leyen, premtoi solidaritetin e BE-së me Gjermaninë si përgjigje ndaj përpjekjes së dyshimtë ruse për sulm ndaj aeroportit të Leipzigut, transmeton Zhurnal.mk
Von der Leyen tha se BE-ja do të qëndrojë e bashkuar kundër agresionit rus dhe do të pengojë këdo që përpiqet të minojë lirinë dhe sigurinë brenda bllokut.
“Do ta mbajmë BE-në të bashkuar përballë këtyre akteve në rritje dhe serioze”, shkroi ajo në rrjetet sociale. Ajo tha se BE-ja ka qëndruar e bashkuar dhe e vendosur kundër agresionit rus dhe se do të pengojë këdo që përpiqet të minojë lirinë dhe sigurinë në BE.
“Rusia po përpiqet të mbjellë mosbesim dhe frikë mes shoqërive tona. Por nuk do t’ia dalë. Dhe ne do të qëndrojmë përkrah Ukrainës për aq kohë sa të jetë e nevojshme”, shkroi Leyen në X, transmeton Zhurnal.mk
Von der Leyen deklaroi se sot ka biseduar me kancelarin Friedrich Merz për incidentin në aeroportin e Leipzigut, raportoi DPA.
“E sigurova atë se BE-ja është plotësisht në solidaritet me Gjermaninë në përballjen me këtë sulm nga Rusia”, shkroi ajo.
Ajo tha se për këtë çështje nesër do të bisedojë edhe me sekretarin e përgjithshëm të NATO-s, Mark Rutte. Gjithashtu janë planifikuar konsultime mes ministrave të jashtëm, ku do të diskutohet për sanksione të mundshme, shtoi von der Leyen, transmeton Zhurnal.mk
