9
Valare, 13 shtator Zhurnal.mk – Një vatër zjarri u raportua mbrëmjen e sotme në fshatin Valare të Gjirokastrës, pranë stallave të lopëve.
Siç raporton korrespondentja e Top Channel, Entjola Budo, njoftimi mbërriti në orën 19:38 në shërbimin zjarrfikës, ndërsa një automjet me grupin e ndërhyrjes u nis menjëherë drejt vendngjarjes.
Në mbërritje, zjarrfikësit konstatuan se po digjeshin barishte dhe shkurre në anë të rrugës.
Ndërhyrja e shpejtë bëri të mundur izolimin dhe shuarjen e flakëve, duke shmangur përhapjen e zjarrit drejt stallave.
Nga zjarri nuk raportohet për dëme të tjera materiale.
