Shkup, 21 shtator, Zhurnal.mk – Prokuroria Themelore Publike në Shkup ka filluar procedurë kundër një shtetasi meksikan nën dyshimin për kryerjen e veprës penale “Sulm ndaj personit zyrtar gjatë kryerjes së detyrave të sigurisë” sipas nenit 383, paragrafi 1 i Kodit Penal.
“Më 19 shtator, gjatë manifestimit “Festa e Tetorit – Tingujt e Kulturës” në parkun “Gjorce Petrov”, i dyshuari lëndoi fizikisht një oficer policie i cili u përpoq ta identifikonte. Ai e goditi oficerin e policisë në kokë me një kanaçe birre, dhe më pas e sulmoi përsëri fizikisht dhe e goditi në duar kur oficeri i policisë u përpoq ta ndalonte”.
“Duke pasur parasysh se bëhet fjalë për një person pa vendbanim të regjistruar në vend, prokurori publik vlerësoi se ekziston rreziku i arratisjes dhe i paraqiti propozim gjyqtarit të procedurës paraprake për të përcaktuar masë paraburgimi për të dyshuarin 31-vjeçar”, thonë nga MPB.
