Kuvendi dha dritë jeshile: Ushtarë e RMV-së nisen në mision në BiH

Shkup, 14 tetor, Zhurnal.mk – Komisioni kuvendor për mbrojtje dhe siguri e mbështeti vendimin për dërgimin e 32 pjesëtarëve të Ushtrisë në operacionin ndërkombëtar të Bashkimit Evropian “ALTEA” në Bosnje dhe Hercegovinë dhe e përcolli për procedim të mëtejshëm kuvendor.

Në seancën e sotme të 52-të, ministri i mbrojtjes Vlado Misajllovski sqaroi se bëhet fjalë për një angazhim gjashtëmujor, i cili duhet të fillojë në nëntor 2026 dhe të zgjasë deri në maj 2027.

„Të gjitha shpenzimet janë siguruar në buxhetin e Ministrisë së Mbrojtjes“, pohoi Misajllovski.

Propozim-vendimi tani vazhdon në procedurën kuvendore.