Rrëzohet helikopteri i KFOR-it në Bosnjë, 3 viktima

Nga Xh M
A+ A-
Rivendos

Sarajevë, 29 tetor Zhurnal.mk – Një helikopter ushtarak i EUFOR-it është rrëzuar në zonën e Goricës, pranë Brçkos, ndërsa sipas informacioneve jozyrtare, tre persona kanë humbur jetën.

EUFOR-i ka konfirmuar se aksidenti ka ndodhur gjatë një operacioni rutinë në zonën e Brçkos. Sipas njoftimit zyrtar, nga ngjarja nuk ka dëme në infrastrukturën civile, prona apo automjete, ndërsa nuk raportohet për civilë të lënduar.

Në vendngjarje kanë mbërritur menjëherë policia e Distriktit të Brçkos, zjarrfikësit dhe ekipet e emergjencës. Zona përreth është siguruar nga autoritetet.

EUFOR-i ka bërë të ditur se ka nisur një hetim të plotë për të zbardhur shkaqet e rrëzimit, duke u bërë thirrje qytetarëve të shmangin përhapjen e dezinformatave dhe të ndjekin vetëm njoftimet zyrtare.

artikuj të ndërlidhura

Kjo faqe interneti përdor cookies për të përmirësuar përvojën tuaj. Ne do të supozojmë se jeni dakord me këtë, por mund të çregjistroheni nëse dëshironi. Pranoj Lexo më tepër