Modelja e njohur shqiptare Heidi Lushtaku ka marrë pjesë në një prej ngjarjeve të njohura ndërkombëtare të bamirësisë, “The Global Gift Gala”, e mbajtur në Paris.
Gjatë këtij eventi, Heidi u takua edhe me aktoren e njohur hollivudiane Eva Longoria, me të cilën ka pozuar për disa fotografi së bashku.
Pamjet nga kjo mbrëmje janë publikuar nga vetë modelja në rrjetet sociale, përmes të cilave ka ndarë momente nga pjesëmarrja e saj në këtë ngjarje.
Në mesin e personaliteteve të pranishme në këtë gala ishte edhe themeluesja e fondacionit, María Bravo, si dhe figura të tjera të njohura ndërkombëtare.
“The Global Gift Gala” është një ngjarje humanitare që synon mbledhjen e fondeve për të mbështetur fëmijët, gratë dhe familjet në nevojë.
Heidi Lushtaku është një personalitet i njohur nga Kosova e cila ndër vite ka ndërtuar karrierën e saj në botën e modës.
