Shkup, 19 nëntor Zhurnal.mk – Presidentja Gordana Siljanovska-Davkova sot priti letrat kredenciale nga Shkëlqesia e Saj, Jana Vanamolder, ambasadorja e sapoemëruar e Republikës së Estonisë, me seli në Budapest.
Në ceremoninë solemne, presidentja theksoi shembullin e Estonisë në tranzicionin demokratik, modernizimin institucional dhe zhvillimin digjital, si një model i rëndësishëm për reformat.
Sipas presidentes, bashkëpunimi politik dhe i sigurisë duhet të plotësohet edhe me bashkëpunim ekonomik, arsimor, shkencor, kulturor dhe turistik. Të dyja palët konfirmuan rëndësinë e aleancës në NATO, në kontekstin e zhvillimeve dhe kërcënimeve aktuale të sigurisë.
Siljanovska-Davkova shprehu mirënjohje për mbështetjen që Estonia i jep vendit tonë në rrugën drejt integrimit evropian.
Ajo u angazhua për negociata të çliruara nga kushtëzimet dypalëshe të natyrës identitare, si dhe për kritere të qarta, të parashikueshme dhe objektive, të bazuara në vlerat themelore evropiane dhe rezultatet e arritura në reforma.
Ambasadorja Vanamolder theksoi pasigurinë e procesit negociues të lidhur me çështjet dypalëshe dhe shprehu mirëkuptim për angazhimet rajonale dhe aspiratat tona të natyrshme evropiane.
Ajo rikujtoi rëndësinë e mbështetjes së ndërsjellë rajonale për përshpejtimin e procesit të negociatave dhe anëtarësimin në Bashkimin Evropian.
Sipas saj, e ardhmja evropiane e rajonit ndërtohet përmes partneritetit, mirëkuptimit të ndërsjellë dhe zgjerimit.
Presidentja Siljanovska-Davkova i uroi ambasadores Vanamolder mandat të suksesshëm.

