Besianë, 18 qershor Zhurnal.mk – Kryetari i Bashkimit Demokratik për Integrim (BDI), Ali Ahmeti, ka qëndruar sot në Dumosh të Besianës, ku ka shprehur ngushëllimet e tij për familjen e Kimete Fazliu-Podvoricës, motrës së dëshmorëve Fahri dhe Bahri Fazliu.
Ahmeti theksoi se familja Fazliu mbetet një ndër familjet simbol të sakrificës për lirinë e Kosovës, duke vlerësuar kontributin e saj në rrugën e çlirimit dhe shtetndërtimit.
“Sot, në Dumosh të Besianës, isha për ngushëllime te familja e Kimete Fazliu-Podvoricës, motrës së dëshmorëve Fahri dhe Bahri Fazliu. Familja Fazliu është një ndër familjet simbol të sakrificës për lirinë e Kosovës,” ka deklaruar Ahmeti.
Ai shtoi se krahas dëshmorëve që u flijuan për atdheun, edhe nënat dhe motrat shqiptare bartën me dinjitet barrën e rezistencës dhe kontribuuan në luftën çlirimtare.
Ahmeti u shprehu ngushëllime të sinqerta familjeve Fazliu dhe Podvorica, duke theksuar se kujtimi për Kimete Fazliu-Podvoricën duhet të mbetet i paharruar, ndërsa sakrifica e kësaj familjeje të nderohet përherë.
https://www.facebook.com/share/p/1ANSYU2aNi/
