Shkup, 18 Maj, Zhurnal.mk – Partnerët qeveritar VLEN e ZNAM ndodhen në përplasje tashmë edhe publike dhe të rreptë për çështjen e gjuhës shqipe, shkruan Zhurnal.mk.
Ministri maqedonas i drejtësisë Igor filkov sot iu kundërvy publikisht krerëve të VLEN-it Izet Mexhiti dhe Bilall Kasami për provimin e jurisprudencës.
Mbrëmë Mexhiti e Kasami dhe anëtarë të tjerë të VLEN premtuan se së “shpejti” do të ketë “lajme të mira” për hyrje në provimin e jurisprudencës edhe në gjuhën gjuhën shqipe.
Por sot Filkovi ua kundërshtoi premtimin dhe përsëriti qëndrimin e tij se provimi i jurisprudencës, nuk do të mbahet në gjuhën shqipe, por vetëm në maqedonisht.
Ai arsyetimin e vazhdoi në interpretimet e tija të përmbajtjes së kushteetutës së vendit dhe tha se kjo çështje për të “është e mbyllur”.
Përplasjet tashmë pubike midis ZNAM e VLEN për gjuhën shqipe ndërkohë vëjnë në pikëpyetje edhe përbërjen aktuale të koalicionit qeveritar, kur pikërisht është paralajmëruar edhe nga vet Kryeministri Hristijan Mickoski freskimi i qeverisë.
Përplasjet midis ZNAM e VLEN bëhen pak orë para protestës së dytë me radhë të studentëve shqiptarë, të cilët tashmë arsyet e protestës i kanë zgjeruar përtej provimit të jurisprudencës, meqë siç tha javën e kaluar krye-protestuesi dhe stedenti i UEJL në degën e juridikut, Mevlan Ademi, të njëjtat ndalesa për gjuhën shqipe u bëhen edhe studentëve të tjerë të degëve të tjera për licencat e tyre profesionale.
E fjala dhe vendime të mëdha për përbërjen e ardhme të qeverisë tash duket se ndodhet krejtësisht në anën e Mickoskit, i cili ndërkohë edhe do të duhej të sjellë vendim edhe për çështjen e provimit të jurisprudencës.
Vendim i Mickoskit për provimin e jurisprudencës do të duhej të qartësojë nëse zgjidhja do të jetë vërtetë e “shpejt” në kohë të përcaktuar pa vonesë apo të kohë të papërcaktuar.
Kjo me gjasë do të merret vesh shpejt dhe dilemet do të hiqen.
Mickoski mund të ketë opsionin e zgjidhjes së shpejtë përmes ndërrimit të resoreve të ministrive, si zgjidhje e përkoshme edhe për provimin e jurisprudencës, nëse ai do t;i mbetet besnik qëndrimit të tij të mëhershëm se duhet të ketë propozim-ligj të posaqëm për jurisprudencën për të cilin mendim do t’ia kërkonte edhe Komisionit të Venedikut.
Nëse zgjidhja e “shpejtë” nuk do të jetë ndërrimi i ministrit Filkov dhe sjellja e një ministri tjetër, çoftë nga VLEN apo ndonjë tjetër nga VMRO-DPMNE, për të patur zgjidhje të shpejtë të premtuar e të përkohshme, situata me studentët protestues do të ndërlikohej po aq sa edhe përbrenda koalicionit qeveritar. / Zhurnal.mk
