Shkup, 24 gusht, Zhurnal.mk – Era e tymit që pasditen e sotme ndihet në disa pjesë të Shkupit vjen nga zjarri në malin Zheden, në territorin e fshatit Bojanë, i cili nga ana e Tetovës ngadalë po kalon drejt territorit të Shkupit.
Drejtori i Drejtorisë për Mbrojtje dhe Shpëtim, Stojançe Angelov, përmes një videomesazhi informoi se zjarri ndodhet në terren të vështirë për qasje.
Ai shtoi se si mbështetje për zjarrfikësit e Shkupit në shuarjen e zjarrit janë përfshirë edhe kolegët e tyre nga Tetova.
„Pres që në orët e pasdites të vendoset kontroll mbi këtë zjarr, i vështirë për shuarje“, shtoi Angelov në deklaratën e tij.
Më herët, nga Qendra për Menaxhim me Kriza (QMK) njoftuan se tymi i dukshëm në kryeqytet është rezultat edhe i erës që e sjell tymin nga zjarri në Kitkë, në komunat Studeniçan dhe Zelenikovë. Në atë terren gjatë ditës ka vepruar edhe një helikopter i MPB‑së.
