Shkup, 24 gusht, Zhurnal.mk – Çdo “masë” e paralajmëruar nga Mickoski për uljen e çmimeve përfundon me shtrenjtim të ri. Dizeli e kaloi 100 denarë për litër. Ky është shtrenjtimi i katërt brenda një muaji që do të tërheqë pas vetes edhe shtrenjtim të ushqimit, transportit dhe shërbimeve, thuhet në komunikatën e LSDM.
„Katër herë shtrenjtim, katër goditje të reja në xhepin e qytetarëve, ndërsa Mickoski ishte në ekskursion.
Me dizel mbi 100 denarë, goditja nuk do të mbetet vetëm në xhepin e qytetarëve nëpër pompat e karburantit.
Kur shtrenjtohet dizeli, shtrenjtohet transporti, rriten shpenzimet për prodhim dhe shpërndarje. Pason shtrenjtimi i ushqimit dhe produkteve të tjera që qytetarët i blejnë çdo ditë.
Prandaj kjo nuk është vetëm problem i shoferëve, por goditje mbi buxhetin e çdo familjeje maqedonase.
Çmimin e lartë e paguajnë qytetarët nga xhepi i tyre sepse Qeveria e Mickoskit nuk ka as zgjidhje, as masë për mbrojtjen e standardit të qytetarëve.
Qytetarët i kushton shtrenjtë paaftësia dhe gabimet e Hristijan Mickoskit“, thonë nga LSDM.
