Gostivar, 16 gusht Zhurnal.mk – Zyrtarët e Stacionit Policor të Gostivarit më 16.08.2026 e kanë privuar nga liria I.T. (45), banues në Gostivar.
Arrestimi u krye pas denoncimit se ai kishte sulmuar fizikisht bashkëshorten e tij 35-vjeçare. Matja e alkoolit tregoi se I.T. kishte 1,01 promil alkool në gjak.
Gjatë mbrëmjes, gruaja raportoi gjithashtu se, për një periudhë të gjatë, bashkëshorti i saj e kishte detyruar të kryente marrëdhënie seksuale kur ndodhej nën ndikimin e alkoolit, ndërsa ndaj saj dhe fëmijëve kishte ushtruar keqtrajtim fizik dhe psikologjik.
Në bazë të këtyre pretendimeve, në orën 23:55 policia bastisi banesën e I.T., ku gjeti dhe sekuestroi sende të lidhura me veprën penale.
I dyshuari është mbajtur në stacionin policor. Pas dokumentimit të plotë të rastit, ndaj tij do të dorëzohet parashtresa përkatëse.
