Agjencitë shtetërore iraniane të lajmeve, konkretisht Fars dhe Tasnim raportojnë se Udhëheqësi Suprem i Iranit, Ajatollah Ali Khamenei, është vrarë gjatë një sulmi të kryer herët të shtunën, ndërsa ai “po kryente detyrat e tij të caktuara” në zyrën e tij në Teheran. Autoritetet iraniane kanë shpallur 40 ditë zie.
Lajmi vjen pas një serie sulmesh ajrore të koordinuara nga Shtetet e Bashkuara dhe Izraeli kundër objektivave kryesore iraniane, përfshirë kompleksin ku ndodhej Khamenei. Raportet konfirmojnë se sulmet çuan në vdekjen e tij dhe disa anëtarëve të familjes, ndërsa autoritetet shpallën fillimin e një periudhe të gjatë zije për nder të tij.
Ngjarja ka shkaktuar trazira të mëdha por dhe reagime të ashpra nga Irani, i cili ka premtuar hakmarrje.
