Forcat izraelite kanë nisur një valë të re sulmesh në Gaza duke goditur zonat pranë disa prej spitaleve të pakta që kanë mbetur në funksion, ndërsa sulmi tokësor në Qytetin e Gazës vazhdon.
Burime shëndetësore i thanë ”Al Jazeera”-s se të paktën 83 palestinezë u vranë nga forcat izraelite sot.
Raketa goditën zonat përreth spitaleve ”al-Shifa” dhe ”al-Ahli”, ndër të paktat që ende funksionojnë, dhe të paktën 15 persona u vranë jashtë ”al-Shifa”-s, ndërsa katër të tjerë vdiqën në një sulm tjetër pranë ”al-Ahli”-t.
Hamasi i dënoi sulmet pranë spitaleve si një “krim lufte në tërësinë e tij” dhe “një mesazh të hapur sfide dhe përbuzjeje të hapur për bashkësinë ndërkombëtare”.
Dje, spitali pediatrik ”al-Rantisi” u sulmua gjithashtu tre herë.
Kombet e Bashkuara deklarojnë se këto veprime janë pjesë e një fushate sistematike për të çmontuar sektorin shëndetësor të Gazës.
Dje u vra edhe një punonjës i ”Mjekëve pa kufij”, i trembëdhjeti që nga fillimi i luftës.
