Shkup, 20 janar – Mile Boshkov nga Konfederata e Biznesit, në emisionin “Direkt”, theksoi se vetëpunësuarit dhe ndërmarrjet mikro e të vogla nuk mund t’i përmbushin kërkesat e Sindikatës. Ai vuri në dukje se ekonomia nuk është e përqendruar vetëm në Shkup, ku vëllimi është i madh, por shtrihet në të gjithë territorin e shtetit.
“Ajo që dëgjova nga kolegët e mi është pikërisht ajo të cilës ne duam t’i bashkohemi. Ndoshta është e nevojshme të bisedohet për pagën minimale, për një mbështetje të mundshme nga shteti. Shumë herë kemi biseduar me Qeverinë që ajo për të cilën ne pajtohemi të jetë e liruar nga kontributet sociale. Por në këtë moment nuk kemi ndjesinë se kjo mund të ndodhë. Duhet të bisedojmë për zhvillimin në më shumë sektorë dhe masa, dhe së bashku me Qeverinë të fokusohemi në pjesën e rritjes së pagave,” shpjegoi Boshkov.
Ai theksoi se ndoshta tani është koha për të nisur një dialog revolucionar, me qëllim që të vendoset një zgjidhje përfundimtare dhe të tejkalohet problemi që shfaqet çdo vit kur bëhet fjalë për rritjen e pagave.
“Ndoshta është koha për një dialog social revolucionar, një marrëveshje sektoriale duke përfshirë edhe pagën minimale në secilin sektor, në mënyrë që ta tejkalojmë këtë problem për të cilin flasim çdo vit,” theksoi Boshkov.
