Prishtinë, 18 maj, zhurnal.mk – Në shenjë respekti dhe përuljeje për heroin Agim Ramadani – Katana dhe për të gjithë dëshmorët që sakrifikuan për lirinë e vendit, është zhvilluar një ecje përkujtimore dhe historike në bjeshkët madhështore të Koshares vendi ku u thye kufiri shqiptaro-shqiptar.
Sipas një njoftimi për media bëhet e ditur se ecjes i’u bashkua edhe kryetari i Komunës së Gjilanit, Alban Hyseni bashkë me Klubin Alpin Gjilani me anëtarët dhe dashamirët e bjeshkatarisë.
Siç thuhet në njoftim Hyseni, tha se përmes ecjes në gjurmët e historisë sonë në Koshare, nderuan sakrificën e dëshmorëve dhe kujtuam heroizmin e Agim Ramadanit – Katana.
“Bashkë me qytetarë e bjeshkatarë nga Gjilani, rikthyem në kujtesë një nga betejat më të lavdishme të luftës për liri”, tha Hyseni.
I pari i Gjilanit, falënderoj Klubin Alpin Gjilani dhe të gjithë pjesëmarrësit për këtë aktivitet, që na kujton se liria jonë është ndërtuar mbi sakrificë dhe qëndresë.
