Kombëtarja e Kosovës ka marrë një goditje para ndeshjeve miqësore të muajit qershor, pasi mbrojtësi Lumbardh Dellova është larguar nga grumbullimi për shkak të një lëndimi serioz.
Futbollisti i CSKA Sofia u lëndua në ndeshjen e fundit kundër Ludogorets Razgrad dhe, pas ekzaminimeve të kryera nga stafi mjekësor i Kosovës, është konfirmuar se ka pësuar frakturë në shputën e këmbës. Sipas mjekëve, periudha e rikuperimit do të jetë më e gjatë sesa kohëzgjatja e këtij grumbullimi.
Ndërkohë, Edon Zhegrova nuk do t’i bashkohet Kombëtares për arsye personale.
Si zëvendësim, nga 28 maji pjesë e kampit stërvitor do të bëhet Betim Fazliji, mesfushori i FC St. Gallen, i cili rikthehet te “Dardanët” pas një mungese të gjatë.
Kosova do të vazhdojë përgatitjet për miqësoret ndaj Czech Republic national football team dhe Andorra national football team, me stërvitjen e radhës që do të mbahet nesër në orën 11:00 në Kampin Nacional në Hajvali.
